ଧର୍ମଗଡ଼ରେ ଜିଲ୍ଲାପାଳଙ୍କ ଜନଶୁଣାଣୀ ଓ ସମାଧାନ ଶିବିର ଆୟୋଜିତ

କଳାହାଣ୍ଡି ନ୍ୟୁଜ : ଧର୍ମଗଡ ବ୍ଳକ ସଭାଗୃହରେ ଆଜି କଳାହାଣ୍ଡି ଜିଲ୍ଲାପାଳ ଙ୍କ ଜନ ଶୁଣାଣୀ ଓ ସମାଧାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ବାସଗୃହ ପାଇଁ ମୋଟ ୧୫ଟି ଆବେଦନ, ରାସନ୍ କାର୍ଡ ପାଇଁ ୮ଟି ଏବଂ ଅନ୍ୟାନ୍ୟ ୩୩ଟି ଅଭିଯୋଗ ହୋଇଥିଲା। ଅନୁଷ୍ଠିତ ଏହି ଜନଶୁଣାଣୀ ଶିବିରରେ ଜିଲ୍ଲାପାଳ ପି ଅନ୍ଵେଷା ରେଡ୍ଡୀ, ଧର୍ମଗଡ଼ ଭାରପ୍ରାପ୍ତ ଜିଲ୍ଲାପାଳ ବିରଞ୍ଚିନାରାୟଣ ଦରଓ୍ଵାନ, ଧର୍ମଗଡ଼ ସମିତି ଅଧ୍ୟକ୍ଷା ବବିତା ପାଟ୍ଟଯୋଷୀ, ଧର୍ମଗଡ଼ ବିଡ଼ିଓ ଡ଼ା ହିମାଞ୍ଚଳ ମାଝୀ ସମେତ ବିଭିନ୍ନ ବିଭାଗର ଅଧିକାରୀମାନେ ଯୋଗଦେଇଥିଲେ। ପ୍ରଧାନମନ୍ତ୍ରୀ ଆବାସ ଯୋଜନାରେ ମିଳୁଥିବା ଏନଆରଇଜିଏସ ଟଙ୍କା ପ୍ରଦାନରେ ବିଳମ୍ବତା,ଜିଆରଏସ ବା ଗ୍ରାମ ରୋଜଗାର ସେବକମାନଙ୍କ ମନମୁଖୀ,ଆର ଡି ବିଭାଗ ଦ୍ଵାରା ହେଉଥିବା ଧର୍ମଗଡ଼ -ତେଲିପଲାସ ରାସ୍ତା କାମରେ ଅନିୟମିତତା ଆଦି ଅଭିଯୋଗ ହୋଇଥିଲା। ଅଧିକାରୀଙ୍କ ଉପସ୍ଥିତି ହିସାବରେ ଅଭିଯୋଗ ସଂଖ୍ୟା କମ ରହିଥିବା ଦେଖା ଯାଇଥିଲା।