ଗୋଳାମୁଣ୍ଡା ଶିବାଜୀ ଷ୍ଟାଡିୟମରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ
ଗୋଲାମୁଣ୍ଡା, (ନି.ପ୍ର) : କଳାହାଣ୍ଡି ଜିଲ୍ଲା ଗୋଲାମୁଣ୍ଡା ବ୍ଲକ ଶିବାଜୀ ଷ୍ଟାଡିୟମରେ ଆମ ଓଡ଼ିଶା ନବୀନ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମଟି ବିଜେଡି ଦଳ, ଜିଲ୍ଲା ପଞ୍ଚାୟତ ଅଧିକାରୀ, ଗୋଲାମୁଣ୍ଡା ବିଡିଓ ଓ ତହସିଲଦାର ତତ୍ୱାବଧାନରେ ଗୋଲାମୁଣ୍ଡା ବ୍ଲକ ଏମ.ବି.କେ,ସି.ଆର.ପି, ହଜାର ହଜାର ଏସ୍.ଏଚ.ଜି ମହିଳା ଓ ବିଜେଡି କର୍ମୀ ଅଂଶ ଗ୍ରହଣ କରିଥିଲେ ।
ସ୍ଥାନୀୟ ବିଧାୟକଙ୍କ ପ୍ରତିନିଧି ଭାବେ ଶ୍ରୀଯୁକ୍ତ ଦିନେଶ ବଗର୍ତ୍ତି ଉପସ୍ଥିତ ରହିବା ସହ ନିଜ ଅଭିଭାଷଣ ରଖିବା ସହ ଗୋଲାମୁଣ୍ଡା ବ୍ଳକରେ ରାଜ୍ୟ ସରକାରଙ୍କ ବିଭିନ୍ନ ଯୋଜନା, ଉନ୍ନୟନ ମୂଳକ କାର୍ଯ୍ୟ ଓ ସରକାରଙ୍କ ଉପଲବ୍ଧି ବିଷୟରେ ସୂଚନା ଦେଇଥିଲେ । ସୂଚନାରୁ ପ୍ରକାଶ ଯେ ଓଡ଼ିଶା ସରକାର କଳାହାଣ୍ଡି ଜିଲ୍ଲାକୁ ୧୫୫ କୋଟି ଟଙ୍କା ବ୍ୟୟରେ ୪ ହଜାର ୬୭୮ ଟି ବିଭିନ୍ନ ଉନ୍ନୟନ ମୂଳକ ପ୍ରକଳ୍ପ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ଦ୍ଵାରା ଆଜିକାର ଦିବସରେ ଶୁଭାରମ୍ଭ କରିଥିଲେ । କଳାହାଣ୍ଡି ଜିଲ୍ଲାର ଉନ୍ନତି ପାଇଁ ସରକାର ମଞ୍ଜୁର କରିଥିବା ଅନୁଦାନ ଓ ଗୋଲାମୁଣ୍ଡା ବ୍ଲକର ୨୮ ଗୋଟି ପଞ୍ଚାୟତ ଉନ୍ନତି ପାଇଁ ୫୦ ଲକ୍ଷ ଲେଖାଏଁ ମଞ୍ଜୁର ହୋଇଥିବା ନେଇ ଗୋଲାମୁଣ୍ଡା ଜନସାଧାରଣ ଓ ବିଭିନ୍ନ ଏସ୍.ଏଚ.ଜି ମହିଳା, ବିଜେଡି କର୍ମୀମାନଙ୍କ ଜ୍ଞାତ ପାଇଁ ଆଜି ଏହି କାର୍ଯ୍ୟକ୍ରମ ବିଜେଡି ଦଳର ନେତୃ ମଣ୍ଡଳୀ ପକ୍ଷରୁ ପ୍ରକାଶ ପାଇଛି ।
0 Comments