ମିସାଇଲ ମ୍ୟାନ୍ ଅବଦୁଲ କାଲାମଙ୍କୁ ଭବାନୀପାଟଣା ସ୍ୱୟଂ ଶାସିତ ମହାବିଦ୍ୟାଳୟର ଛାତ୍ରଛାତ୍ରୀଙ୍କ ଶ୍ରଦ୍ଧାଞ୍ଜଳି ଜ୍ଞାପନ

ପୂର୍ବତନ ରାଷ୍ଟ୍ରପତି, 'ମିସାଇଲ ମ୍ୟାନ' ତଥା ଭାରତ ରତ୍ନ ଡଃ ଏପିଜେ ଅବଦୁଲ କାଲାମ ଙ୍କ ଚତୁର୍ଥ ଶ୍ରାଦ୍ଧବାର୍ଷିକୀ ଅବସରରେ ଆଜି କଳାହାଣ୍ଡି ଯୁବ ଓ ଛାତ୍ର ପରିଷଦ ତରଫରୁ କାଲାମ ଙ୍କ ଅମର ଆତ୍ମା ପ୍ରତି ଶ୍ରଦ୍ଧାଞ୍ଜଳି ଦିଆଯାଇଛି । କଳାହାଣ୍ଡି ଯୁବ ଓ ଛାତ୍ର ପରିଷଦ ସଭାପତି ଅବିନାଶ ଠାକୁର ଓ ସମ୍ପାଦକ ମଣ୍ଟୁ ନାଏକ ଙ୍କ ନେତୃତ୍ବରେ ସ୍ଥାନୀୟ ସ୍ବୟଂଶାସିତ ମହାବିଦ୍ୟାଳୟ ପଶ୍ଚିମ ଛାତ୍ରାବାସରେ ଥିବା ପ୍ରତିମୂର୍ତ୍ତି ରେ ମାଲ୍ୟାର୍ପଣ ପରେ ଏକ କ୍ୟାଣ୍ଡେଲ ଶୋଭାଯାତ୍ରା କରାଯାଇଥିଲା । ଶତାଧିକ ଛାତ୍ର କଲେଜ ଛକଠାରୁ ଏକ କ୍ୟାଣ୍ଡେଲ ଶୋଭାଯାତ୍ରା ରେ ବାହାରି ମାଣିକେଶ୍ବରୀ ଛକ ପର୍ଯ୍ୟନ୍ତ ଯାଇ ତାଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଡ଼ଃ କାଲାମ ପ୍ରତିକୂଳ ସ୍ଥିତିରେ ତାରକା ସଦୃଶ ଦୀପ୍ତିମାନ ହୋଇ ଦେଶ ଓ ସମାଜ ପାଇଁ ଅନେକ ଉନ୍ନୟନମୂଳକ କାର୍ଯ୍ୟ କରିଛନ୍ତି। ତାଙ୍କର ଏହି ବ୍ୟକ୍ତିତ୍ବ ଆମକୁ ସର୍ବଦା ପ୍ରେରଣା ଦେଇଆସିଛି ବୋଲି ଛାତ୍ର ମାନେ କହିଛନ୍ତି । ଏହି କାର୍ଯ୍ୟକ୍ରମ ରେ ଛାତ୍ର ନେତା କେ.ପ୍ରବୀଣ କୁମାର, ପୂର୍ବତନ ଛାତ୍ର ସଂସଦ ସଭାପତି ଆଶିଷ ମହାପାତ୍ର, ଯୁବନେତା ବାବାଅଲି ଖାନ, ଯତିନ୍ଦ୍ର ପ୍ରଧାନ, ରାହୁଲ ରୟ କୋବି, ଶିବାନନ୍ଦ ସାହୁ,ସୁଧିର ଧଙ୍ଗଡାମାଝୀ, ଯଶୋବନ୍ତ ମାଝି, ରୁପେସ ପାତ୍ର, ଗଗନ ସାହୁ , ବିଶ୍ବଜିତ ବାଗ ପ୍ରମୁଖ ଦେଇଥିଲେ ।