ଦିନକୁ ଦିନ ବଢ଼ି ଚାଲିଛି ଗୋଲାମୁଣ୍ଡା ଅଞ୍ଚଳରେ ଚୋରି ଓ ଡ଼କାୟତି ...
ଗତ ରବିବାର ଘରେ ପଶି ୫ ଲକ୍ଷ ୩୫ହଜାର ଟଙ୍କା ସହ ୬୦ଗ୍ରାମ ସୁନା ଓ ୪୧୦ ଗ୍ରାମ ରୁପା ଲୁଟିନେଲେ ଦୁର୍ବୁତ୍ତ ।
କଳାହାଣ୍ଡି ନ୍ୟୁଜ୍,୩୧|୦୫ : ଗୋଲାମୁଣ୍ଡା ଥାନା ଅନ୍ତର୍ଗତ ଖମାର ହଲଦି ଗ୍ରାମ ପଞ୍ଚାୟତ ଅଧୀନ ପଞ୍ଜିଆଗାଁର କିଶାନ ମେହେରଙ୍କ ଘରେ ଗତ ରବିବାର ବିଳମ୍ବିତ ରାତିରେ ୧୦ ଜଣ ମୁଖାପିନ୍ଧା ଦୁର୍ବୁତ୍ତ ଘର ପଛପଟ ଝରକା ଭାଙ୍ଗି ଘରେ ପଶିଥିଲେ । କିଶାନ ମେହେର ଓ ତାଙ୍କ ସ୍ତ୍ରୀଙ୍କୁ ଧାରୁଆଅସ୍ତ୍ରରେ ଆକ୍ରମଣ କରି ବଳପୂର୍ବକ ୫ ଲକ୍ଷ ୩୫ ହଜାର ଟଙ୍କା,ସହ ପାଖାପାଖି ୬୦ ଗ୍ରାମ ସୁନା ଏବଂ ୪୧୦ଗ୍ରାମ ରୁପା ଲୁଟି ନେଇ ଚମ୍ପଟ ମାରିଛନ୍ତି ।ଏ ନେଇ ପରିବାର ପକ୍ଷରୁ ଗୋଳାମୁଣ୍ଡା ଥାନାରେ ଏତଲା ଦେଇଥିବା ଜଣାପଡିଛି l ଅଭିଯୋଗ ପରେ ଧର୍ମଗଡ ଏସ୍ ଡି ପି ଓ ଧୀରଜ ଚୋପଦାରଙ୍କ ସହିତ ଗୋଲାମୁଣ୍ଡା ଥାନା ଅଧିକାରୀ ଶ୍ରୀଯୁକ୍ତ ଜୁଗଲ ଶଵର ଓ ଦଶପୁର ଫାଣ୍ଡି ଅଧିକାରୀ ଚନ୍ଦହାସ୍ୟ ସାହୁ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛନ୍ତି । ମାସକ ଭିତରେ ତିନିଟା ଡକାୟତି ଘଟଣା ଘଟିଥିବାରୁ ଅଞ୍ଚଳବାସୀଙ୍କ ମନରେ ଭୟର ବାତାବରଣ ଖେଳିଯାଇଛି । ତିନୋଟି ଡକାୟତିର ଏଯାଏଁ ତଦନ୍ତ ପରିସରଭୁକ୍ତ ହେଲେ ମଧ୍ୟ ଡକାୟତ ମାନଙ୍କ ସୁରାଗ ନପାଇବା ସାଧାରଣ ଲୋକଙ୍କ ମଧ୍ୟରେ ପୋଲିସ ପ୍ରତି ଆତ୍ମବିଶ୍ବାସ ତୁଟିଯାଉଛି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି । ଏ ଘଟଣା ଉପରେ ଧର୍ମଗଡ ଉପଖଣ୍ଡ ପୋଲିସ ଅଧିକାରୀ ଧୀରଜ ଚୋପଦାର ତଦନ୍ତ ଚଳାଇଥିବା ପ୍ରକାଶ ପାଇଛି ।
Report - Priyakrushna Patel, Golamunda
0 Comments